Ashtu siç është paralajmëruar, një ndryshim i madh moti ka arritur në Kroaci dhe Slloveni.
Kroacia dhe Sllovenia po përjetojnë luhatje të mëdha të temperaturave, gjegjësisht në disa vende ka rënë edhe borë.
Në Zagreb temperaturat kanë rënë me 20 gradë Celsius në 24 orë. Dje në orën 14:00 ishte 27 gradë Celsius, ndërsa sot 7 gradë Celsius.
Dia pamje tregojnë në majën e Medvednicës së shtetit kroat po bie borë, raporton index.hr.
Ndërkohë, agjencia e Mjedisit ka lëshuar një paralajmërim portokalli për pjesën jugperëndimore dhe qendrore të Sllovenisë për shkak të erërave të forta dhe reshjeve të borës.
Temperaturat ranë, në disa vende, si në Kroaci, me më shumë se 10 gradë Celsius.
Ndryshe, temperatura të ngjashme pritet të vijnë edhe në Kosovë.
