“Big Brother Vip Albania” do të rikthehet së shpejti.
Lajmin e ka bërë të ditur faqja zyrtare e këtij reality-show, shkruan lajmi.net.
Ndër tjerash është bërë e ditur edhe moderatorja e këtij spektakli, duke konfirmuar se moderatorja e formatit do të jetë sërish Arbana.
“Programi që theu çdo rekord shikueshmërie, programi që apasionoi shqiptarët kudo ndodhen deri në fiksim… Big Brother Vip Albania, me Arbana Osmanin, së shpejti në Top Channel!”, thuhej në njoftimin e Top në Instagram.
Theksojmë se ky njoftim ka shuar zërat se ka një krisje raportesh mes Arbana Osmanit dhe drejtuesve të “Top Channel” dhe se Osmani do të zëvendësohej nga Bora Zemani. /Lajmi.net/
