Pas dështimit të përzgjedhjes së guvernatorit nga Kuvendi i Kosovës dhe kthimit në pikën zero të këtij procesi, Banka Qendrore e Kosovës (BQK) ka shpallur të martën sërish konkurs për Guvernator të BQK-së..
Konkursi do të jetë i hapur deri më 21 qershor 2023.
Në konkursin e BQK-së thuhet se emërimi do të jetë për një mandat pesëvjeçar, duke filluar nga data e emërimit.
“Lista e kandidatëve që kualifikohen nga ana e Panelit do t’i dërgohet Kuvendit të Republikës së Kosovës, i cili do të përzgjedhë një individ. Miratimi dhe emërimi për këtë pozitë do të bëhet nga Presidenti/ja i/e Republikës së Kosovës në pajtim me nenin 84.27 të Kushtetutës së Republikës së Kosovës dhe nenin 38.2 të Ligjit nr. 03/L-209 për Bankën Qendrore të Republikës së Kosovës”, thuhet në publikimin e BQK-së.
