Në vitin 2021 është hapur qendra tregtare Mitrovica Mall pranë Urës kryesore mbi lumin Ibër.
Objekti i kësaj qendre tregtare është lëshuar me qera nga komuna te një biznes privat, i cili hapi qendrën tregtare me emrin “Mitrovica Mall”.
Biznesi privat prej momentin të hapjes ka reklamuar te klientët se do të vijnë brende botërore në këtë qendër, përfshirë edhe brendin gjerman New Yorker, raporton VeriuInfo.
Po kur kanë kaluar mbi dy vite nga hapja e qendrës tregtare “Mitrovica Mall”, akoma po qendrojnë posterët e njëjtë me mbishkrimin “Coming Soon New Yorker”, por që kjo kompani gjermane nuk i ka hapur lokalet në Mitrovicë.
Se a është korrekt kjo qasje proklamuese e menaxhmentit të “Mitrovica Mall” ndaj mitrovicasve, po iu lëmë juve lexues ta vlerësoni!
Ndryshe, Veriu Info mëson se kompania që ka marrë me qera objektin e qendrës tregtare ka borgj të madh të qeras të papaguar ndaj komunës, respektivisht kompanisë komunale Omni Sport që e inkason qeran.
