Mbretëria e Bashkuar nuk do ta nënshkruajë të ashtuquajturin traktat të Bordit të Paqes të Presidentit të SHBA-së, Donald Trump për shkak të shqetësimeve të saj në lidhje me përfshirjen ruse, tha të enjten sekretarja e jashtme britanike Yvette Cooper.
Duke folur për BBC nga Forumi Ekonomik Botëror në Davos të Zvicrës, Cooper tha se Mbretëria e Bashkuar mbështet planin 20-pikësh të Trump për Gazën dhe se ata e kanë bërë të qartë se “duam të luajmë rolin tonë në fazën e dytë të procesit të paqes në Gaza”.
Por kur u pyet nëse Mbretëria e Bashkuar do t’i bashkohej Bordit të Paqes, ajo tha: “Ka një sasi të madhe pune për të bërë”.
“Ne nuk do të jemi një nga nënshkruesit sot, sepse kjo ka të bëjë me një traktat ligjor që ngre çështje shumë më të gjera, dhe ne gjithashtu kemi shqetësime në lidhje me (Presidentin rus Vladimir) Putin që është pjesë e diçkaje, që është të flasësh për paqen, kur ende nuk kemi parë ndonjë shenjë nga Putin se do të ketë një angazhim për paqen në Ukrainë”, tha Cooper.
