Britney Spears ka zbuluar së fundmi problemin e saj shëndetësor. Përmes rrjetit social,Instagram, artistja zbuloi se ajo vuan nga një dhimbje fizike pothuajse çdo ditë për shkak të dëmtimit të nervit.
“Unë jam duke kërcyer tani por kam një dëmtim nervor në anën e djathtë të trupit tim. Nuk ka shërim përveç Zotit. Dëmtimi nervor shkaktohet ndonjëherë kur nuk merrni oksigjen të mjaftueshëm në trurin tuaj,” shkroi ajo krahas një klipi në të cilin kërcen me këngën “Pumped Up Kicks”.
Ndërsa Spears nuk specifikoi se çfarë e shkaktoi dëmtimin nervor. Por, ajo u përpoq t’u shpjegonte ndjekësve të saj se si ndodhte. “Truri juaj fjalë për fjalë mbyllet,” shkroi ajo për pasojat e mos marrjes së mjaftueshme të oksigjenit në trurin tuaj. “Dëmtimi nervor bën që pjesët e trupit tuaj të mpihen. Zgjohem 3 herë në javë në shtrat dhe duart e mia janë plotësisht të mpira . Nervat janë të vogla dhe më duken si gjilpëra nga ana e djathtë e trupit tim që më godet deri në qafë dhe pjesa që më dhemb më shumë është koka ime Më pickon dhe është e frikshme. Megjithatë, Britney shtoi se kur kërcen ajo nuk ndjen dhimbje, gjë që mund të shpjegojë pse poston kaq shumë video.
