Isa Murati është bujk që zhvillon veprimtarinë e tij në fshatin Bequk të komunës së Vushtrrisë, ku investoi mbi 300 mijë euro për 10 vite punë.
Por fatkeqësisht ai rrezikon të humbas gjithçka për shkak të mungesës së ujitjes për qershitë dhe rrushin e tij, kjo pasi komuna e Vushtrrisë në krye me Ferit Idrizin nuk po e rregullojnë një rrugë publike prej 900 metrash.
Kështu ka deklaruar vet Murati, i cili ka dhënë një intervistë për Veriu.info ku ka shpjeguar se ka një kohë të gjatë që ka bërë mbi 100 kërkesa në komunë për shtrimin e kësaj rrugë që do t’ia lehtësonte furnizimin me ujë nga Ibër-Lepenci.
Ai shfaqet i dëshpëruar me kryetarin e komunës Ferit Idrizi, të cilin thotë se e ka votuar.
Madje ai thotë se e vetmja arsye që e bën të dorëzohet apo të heq dorë është vet komuna e Vushtrrisë.
