Zgjedhjet lokale të 12 tetorit në Kosovë pritet të jenë të ndikuara në mënyrë të ndjeshme nga votat e qytetarëve që jetojnë jashtë vendit, vlerĽsoi Eugen Cakolli nga Instituti Demokratik i Kosovës.
Sipas të dhënave të publikuara nga analisti Eugen Cakolli, në mesin e 10 komunave me përqindjen më të lartë të votuesve jashtë vendit – në raport me numrin e përgjithshëm të votuesve – nuk ka komuna të mëdha. Këto komuna përfshijnë: Juniku (21.65%), Mamusha (7.53%), Dragashi (6.52%), Deçani (5.30%), Suhareka (4.55%), Istogu (4.31%), Klina (4.24%), Vitia (3.84%), Kaçaniku (3.32%), si dhe Malisheva (3.04%).
Cakolli gjeti se në pothuajse të gjitha këto komuna, por edhe në disa të tjera, numri i votuesve jashtë vendit është më i madh ose i përafërt me diferencën mes dy kandidatëve të parë në zgjedhjet lokale të vitit 2021.
