Eugen Cakolli, hulumtues në KDI, nuk pret që as sot të përfundojë seanca konstituive e legjislaturës së nëntë.
Ai ka thënë se kjo nuk do të ndodhë për dy arsye.
Në një intervistë për emisionin “Interaktiv”, Cakolli ka bërë me dije se gjatë ditës së djeshme anëtarë e Qeverisë që janë zgjedhur deputetë nuk i kanë dorëzuar dorëheqjet e nevojshme.
“Mbi bazën e deklarimeve të partisë në pushtet dhe qëndrimit opozitar, nuk pres që as nesër të përmbyllet konstituimi i Kuvendit për dy arsye, njëra që është procedurale dhe tjetra politike. Gjatë ditës sotme nuk janë dorëzuar 15 dorëheqjet e ministrave, secila individualisht në administratën e Kuvendit, që nënkupton se nuk do ketë votim të raportit as nesër. Në aspektin politik duket që VV vazhdon të mos i ketë numrat për kalimin e raportit. Do tentohet të blihet kohë qoftë përmes insistimit se dorëheqja e kryeministrit në letrën që nuk ishte formalisht dorëheqje, të mbetet ajo që merret në konsideratë”, ka thënë Cakolli.
