Këshilli i Mediave të Shkruara të Kosovës ka hedhur poshtë ankesën e Caritas Kosova kundër Veriu.info për shkrimin me titull “Dyshime për kurdisje të tenderit 2 milionësh nga Komuna e Fushë Kosovës për Caritas-in e Don Viktor Sopit”, sa i përket raportimit të së vërtetës.
Gazeta Online Veriu.info kishte raportuar në fillim të këtij muaji për dyshime në kurdisje të tenderit 2 milionësh nga komuna e Fushë Kosovës për Caritas Kosova, ku ishin prezantuar dëshmi të procedurave tenderuese.(Shkrimin e plotë e gjeni në fund të këtij lajmi)
Sipas vendimit të KMShK-së Veriu.info nuk ka shkelur kapitullin 2 të Kodit të Mediave të Shkruara sa i përket raportimit të së vërtetës.
Pra Veriu.info përmes këtij shkrimi ka respektuar parimin bazë të raportimit të së vërtetës, sipas kapitullit 2 të Kodit duke siguruar të vërtetën faktike dhe të drejtën e publikut që ta dijë të vërtetën.
Konkretisht kapitullin 2 të Kodit të Mediave të Shkruara e gjeni më poshtë:
KMShK ka miratuar pjesërisht ankesën e CARITAS Kosova kundër Veriu.info lidhur me kapitullin 4 të Kodit të Mediave të Shkruara të Kosovës, i cili ka të bëjë me të drejtën për t’u përgjigjur.
