Pas gati 19 vitesh martesë, Kevin Costner dhe gruaja e tij Christine Baumgartner po divorcohen. “Me pikëllim të madh, për shkak të rrethanave të dala jashtë kontrollit të tij, zotit Costner iu desh të merrte pjesë në zgjidhjen e martesës”, tha një përfaqësues i aktorit, Arnold Robinson në një deklaratë.
Aktori dhe modelja, stilistja e çantave filluan të takoheshin në vitin 1998 dhe u martuan në fermën e tij në Kolorado në vitin 2004. Ata kanë dy djem, 14 dhe 15 vjeç, dhe një vajzë 12-vjeçare.
Christine Baumgartner paraqiti kërkesën për ndarje nga aktori të hënën e kaluar, gjashtë muaj pas ultimatumit që i dha bashkëshortit për t’u larguar nga xhirimet e “Yellowstone”, seriali perëndimor i njohur në të cilin ai luan që nga viti 2018, i xhiruar në Montana dhe që e mban larg shtëpisë dhe familjes për muaj të tërë gjatë xhirimeve.
Baumgartner ka kërkuar kujdestarinë e përbashkët të tre fëmijëve të tyre: Cayden, 15, Hayes, 14 dhe Grace, 12 vjeç.
“Ne kërkojmë që privatësia e tij dhe ajo e Christine dhe fëmijëve të tyre të respektohet ndërsa ata kalojnë në këtë kohë të vështirë”, përfundon deklarata.
Kjo është martesa e dytë për 68-vjeçarin Costner, yllin fitues të çmimeve Oscar dhe Emmy të serialeve televizive “Yellowstone” dhe filmave të tillë si “Dances with Wolves”, “The Bodyguard” dhe “Bull Durham”.
Ai ishte i martuar me Cindy Silva për 16 vjet, nga e cila u divorcua në vitin 1994 dhe me të cilën ka tre fëmijë: Annie, 39 vjeç, Lily, 36 vjeç dhe Joe 35 vjeç. Aktori ndan gjithashtu një djalë Liam Costner me Bridget Rooney, me të cilin ai ishte në një lidhje pas ndarjes me Silvën.
Raportet kanë rrjedhur muajt e fundit se Costner ka probleme me krijuesin e serialit Taylor Sheridan dhe madje po mendon të largohet nga grupi ose të zvogëlojë ngarkesën e tij të punës në sezonin e pestë për t’u fokusuar në projekte të tjera. “Kevin do të jetë gjithmonë krenar dhe mirënjohës për Yellowstone dhe kasti është si një familje për të. Por ai ndjen se Yellowstone po shkon në një drejtim tjetër nga ai që filloi…”.
Paralelisht me xhirimet, ndoshta, në pjesën e dytë të sezonit të pestë të “Yellowstone”, aktori dhe regjisori ka nisur së fundmi edhe një projekt të ri western të cilin do ta drejtojë, prodhojë dhe luajë dhe ka një orar xhirimesh prej më shumë se 200 ditë.
Costner do të ishte në punë në këtë projekt në shtetin e Utah-s ku xhirimet e kapitullit të parë kishin filluar në gusht të 2022-ës, të atij që përshkruhet si projekti i ëndrrave të aktorit, i cili gjithashtu pret të xhirojë “Horizon 3” dhe “Horizon 4” dhe që shënon rikthimin e madh të autorit pas gati 20 vjetësh nga filmi i tij i fundit “Open Range”.
Ndërkohë, Daily Mail tregon pamjet, të shpërndara në Instagram nga pronarja dhe shefja e restorantit dhe barit Milano në Las Vegas, Laura Migliorini, në të cilat Costner pozon me unazën e tij të martesës./A2CNN
