Rastet kur politikanët i bien pishman për vendimet e tyre dhe kalojnë pastaj në lëvdata për persona të caktuar.
Një rast i tillë “par excellent” është ai i Ramiz Lladrovcit i cili i thur lavde të shumta dhe në piedestal një kandidateje për deputete, Aurora Berishës, raporton Gazeta Online Veriu.info.
Kryetari i komunës së Drenasit, Ramiz Lladrovci, ka thurur lavde për kandidaten Aurora Berisha të cilën e ka konsideruar si zë në interes të qytetarëve në Kuvendin e Kosovës.
Por Ramiz Lladrovci para disa kohësh pikërisht këtë kandidate e kishte shkarkuar nga pozita e drejtoreshës së Inspekcionit në komunën e Drenasit pasi Aurora Berisha kishte refuzuar të japë dorëheqje.
Logjikshëm shtrohet pyetja: Si ka mundësi që para disa kohësh ta shkarkosh nga pozita e drejtoreshës e pastaj të kërkosh votë për të për një pozitë shumë më të rëndësishme politike.
Më poshtë sjellim statusin e Lladrovcit më lëvdata për ish drejtoreshën që e kishte shkarkuar:
Znj. Aurora Berisha, është kandidate e PDK-së nga Drenasi, me numrin 68, meriton të jetë zë i interesit qytetar të komunës tonë, në Kuvendin e Kosovës. Ajo ka përvojë të gjatë në menaxhim, financa dhe kontabilitet. Studimet universitare i ka përfunduar në Universitetin “Hasan Prishtina”, ku është diplomuar në fushën e Menaxhimit dhe Teknologjisë, ndërsa studimet master i ka përfunduar në Universitetin për Biznes dhe Teknologji (UBT) në të njëjtën drejtim.
Gjatë karrierës së saj, ajo ka fituar titujt si Auditor i Brendshëm i Certifikuar (CIA) dhe tituj të tjerë në fushën e financave.
Aktualisht, Aurora ushtron detyrën e Drejtoreshës Ekzekutive në ndërmarrjen publike komunale “Stacioni i Autobusëve” NPL në Drenas, si dhe mban pozitën e Auditorit të Brendshëm në Koscode Sh.P.K. Ajo gjithashtu është konsulente në organizatën joqeveritare AWO, ku ndihmon klientët në planifikimin financiar, rikthimin në tregun e punës dhe zbatimin e planeve për biznese të reja.
Në të kaluarën, Aurora ka ushtruar përgjegjësi të larta në vende të ndryshme si Drejtoreshë e Drejtorisë së Inspeksionit në Drenas, Zyrtare e Lartë për Marketing dhe Komunikim në Solaborate LLC, si dhe Analiste e Raportimit të të Dhënave në TEB Sh.A. Me një përvojë të pasur në analiza financiare, raportim dhe menaxhim strategjik, Aurora vazhdon të japë një kontribut të rëndësishëm në zhvillimin dhe suksesin e organizatave ku punon. Aurora është nënkryetare e Partisë Demokratike të Kosovës, dega në Drenas.
Vota për Aurorën, do të jetë votë për zërin e sinqertë në Kuvend, përfaqësim i interesit qytetar dhe nacional si dhe vlerësim për kompetencën dhe përvojën e saj profesionale për Kosovën ma mirë!
#MaMirë131
#BedriHamza1
#MemliKrasniqi2
#AuroraBerisha68
