Në vitin 2021 është hapur qendra tregtare Mitrovica Mall pranë Urës kryesore mbi lumin Ibër. Objekti i kësaj qendre tregtare është lëshuar me qera nga komuna te një biznes privat, i cili hapi qendrën tregtare me emrin “Mitrovica Mall”.
Pas hapjes së kësaj qendre pritej nga qytetarët që kjo qendër të mbushej me sa më shumë brende e lokale.
Kur janë bërë tre vite nga hapja e “Mitrovica Mall”, njëri prej lokaleve më të mëdha në këtë qendër tashmë e mbyllur aktivitetin aty.
Fjala është për super marketin “Express Store”, i cili është mbyllur në fillim të muajit shtator, biznes ky që është në pronësi të fëmijëve të biznesmenit të suksesshëm Ramiz Kelmendi.
Ndryshe, “Mitrovica Mall” prej momentit të hapjes ka reklamuar te klientët se do të vijnë brende botërore në këtë qendër, përfshirë edhe brendin gjerman New Yorker. Por kur kanë kaluar rreth tre vite nga hapja e qendrës tregtare “Mitrovica Mall”, akoma po qendrojnë posterët e njëjtë me mbishkrimin “Coming Soon Neë Yorker”, por që kjo kompani gjermane nuk e ka hapur lokalin.
Se a është korrekt kjo qasje proklamuese e menaxhmentit të “Mitrovica Mall” ndaj mitrovicasve, po iu lëmë juve lexues ta vlerësoni!
Ndryshe, Veriu Info mëson se kompania që ka marrë me qera objektin e qendrës tregtare ka borgj të madh të qeras të papaguar ndaj komunës, respektivisht kompanisë komunale Omni Sport që e inkason qeran.
