Korporata Energjetike e Kosovës ka publikuar një njoftim ku tregon se konsumatorët të cilët s’kanë lidhur një marrëveshje me ndonjë furnizues të licencuar nga ZRRE, nga 30 korriku do të mbeten automatikisht pa furnizim me energji elektrike, pasi KEK-u s’do ta ketë më kompetencën për furnizim në cilësinë e Furnizuesit të Mundësisë së Fundit.
“Pas kësaj date, nëse NUK keni lidhur marrëveshje me ndonjë furnizues të licencuar nga ZRRE, do të mbeteni automatikisht pa furnizim me energji elektrike, pasi KEK nuk do të ketë më kompetencë për furnizim në cilësinë e FMF-së”, njofton KEK-u.
Në rast të mbetjes pa energji elektrike, KEK udhëzon që të konsumtatorët të kontaktojnë një furnizues të licencuar nga ZRRE, të bëjnë marrëveshje me ta dhe të sigurojnë vazhdimësinë e furnizimit.
