Departamenti Amerikan i Shtetit ka shpërndarë në Facebook një grafikë me titullin “PRESIDENT TRUMP: THE PRESIDENT OF PEACE”, ku thuhet se Presidenti amerikan Donald Trump ka “përfunduar 7 luftëra për vetëm 7 muaj”. Në listën e konflikteve të përmendura figuron edhe “Kosova dhe Serbia”.
Shpërndarja vjen pak pas fjalimit të Trumpit në Asamblenë e Përgjithshme të OKB-së të martën, ku ai përsëriti pretendimin se i ka dhënë fund shtatë konflikteve ndërkombëtare, duke theksuar se “shumë njerëz i kishin quajtur të pafundme”. Sipas grafikës së publikuar, konfliktet/tensionet e renditura janë:
“Në një periudhë prej vetëm shtatë muajsh u kam dhënë fund shtatë luftërash të pafundme; që më thonin që “janë të pakryeshme”, se “kurrë nuk do të mund t’i zgjidhni”. Disa po zhvilloheshin për 31 vite, dy prej tyre 31, njëra 36 vite, njëra 28 vite.
Unë mbylla shtatë luftëra. Dhe, në të gjitha rastet, ato po luftoheshin me dhjetëra mijëra njerëz që po vriteshin. Këtu përfshihen: Kamboxhia, Tajlanda, Kosova dhe Serbia, Kongo dhe Ruanda, një luftë e ligë dhe e dhunshme ishte kjo.
Pakistani dhe India. Izraeli dhe Irani. Egjipti dhe Etiopia, dhe Armenai e Azerbajxhani.
Krjet këto të përfshira. Asnjë president, e kryeministër, nuk ia ka dalë as për së afërmi të bëjë diçka të ngjashme. Ndërsa unë e bëra për shtatë muaj. Kurrë s’ka ndodhur më parë. Jam i nderuar që e bëra.” – tha Trump.
