Ministri i Bujqësisë Faton Peci përmes një video në profilin e tij në Facebook u ka bërë ftesë bashkëatdhetarëve që të marrin pjesë në një festival të gastronomisë në Berlin të Gjermanisë, por aty i komentoi dikush që duket se e bëri nervoz, raporton Gazeta Online Veriu.info.
Profili me emrin “Qumështorja Drena” e ka pyetur ministrin nëse mund të marrin pjesë edhe ata ani pse janë nga Skenderaj.
E kjo duket se ia dha minstrit shansin që të drejtojë akuza në drejtim të kompanisë duke i thënë se mund të marrin pjesë pasi kanë fituar miliona euro në taksapaguesve.
“Po gjithsesi, sidomos ju që keni fituar miliona të taksapaguesve për dekada të tëra…” – shkroi Peci.
E nuk ka munguar përgjigja e Qumështore Drena e cila i ka thënë: “Asnje tender te vetem njeburimor, perndryshe i keni te gjithe mekanizmat per te hetuar qdo gje qe dyshoni. Nuk ju ka hije te spekuloni dhe te shpifni. Perndryshe kujdes se edhe ju nje dite do te jeni objekt hetimi dhe se mbete te shihet ‘pastertia’ e juaj personale.”
Debati nuk përfundoi me kaq pasi Peci vazhdoi polemikën.
“Qumështorja DRENA Me këtë “kujdes” më ke frikësu goxha shumë 🫢 hiq se di a dal nesër në punë 🤔” – shkroi Peci në fund.
Debatin mund ta shihni në postimin më poshtë:
