Kryeministri Edi Rama ka publikuar sot pamje nga stërvitja ushtarake “Defender 25”, një ndër më të mëdhatë dhe më komplekset që zhvillohet në Europë dhe Afrikë.
Stërvitja, që po zhvillohet nën udhëheqjen e Komandës Europiane të SHBA-së, është një bashkëpunim i ngushtë mes vendeve aleate dhe partnere të NATO-s.
Rama ka theksuar rëndësinë e kësaj stërvitjeje ndërkombëtare, që përfshin ushtrime dhe manovra të shumta ushtarake. Kryeministri gjithashtu i ka uruar një fundjavë të mbarë qytetarëve.
“MIRËMËNGJES dhe me Forcat e Armatosura që vijojnë stërvitjen “Defender 25”, stërvitja ndërkombëtare, një nga më të mëdhatë dhe më komplekset e dekadës së fundit në Europë dhe Afrikë, që zhvillohet nën udhëheqjen e Komandës Europiane të SHBA, në bashkëpunim të ngushtë me vendet aleate dhe partnere të NATO-s ju uroj një fundjavë të mbarë”, shkruan Rama.
