Deputetja e PDK-së, Blerta Deliu-Kodra thotë se moskonstituimi i Kuvendit, përveq faktit se ka lënë pa buxhet disa komuna, ka bllokuar tërësisht procesin e emërimeve në institucione të pavarura.
Ajo thotë se pengmarrja e institucionit më të lartë në vend, rrezikon thellësisht demokracinë.
Postimi i plotë:
Moskonstituimi i Kuvendit, përveq faktit se ka lënë pa buxhet disa komuna, ka bllokuar tërësisht procesin e emërimeve në institucione të pavarura. Mungesa e veprimit nga legjislatura e kaluar dhe vonesat e Qeverisë në largim kanë lënë:
Gjykatën Kushtetuese pa gjyqtarë,
Komisionin e Pavarur për Media jofunksional,
Avokatin e Popullit pa zëvendës,
Qindra pozita bosh në borde, agjenci dhe komisione vendimmarrëse.
Pasojat janë të rënda: jofunksionalitet institucional, mungesë llogaridhënieje dhe shkelje e sundimit të ligjit.
Pengmarrja e institucionit më të lartë në vend, rrezikon thellësisht demokracinë!
