Zvarritje e qëllimshme…me syni çuarjen e vendit në zgjedhje të jashtëzakonshme.
Kështu i nxjerr pëfundimet Arton Demhasaj nga Aleanca për Ardhmërinë e Kosovës, referuar sjelljes së derimëtashme të Albin Kurtit të Vetëvendosjes, i cili, ndonëse i pari për nga rezultati zgjedhor, ka bërë ç’ka në kapacitet për të shtyrë certifikimin e rezultateve që u krye veçse javën e kaluar.
Në një intervistë për “Ekonomia Online” Demhasaj analizon kështu:
“Kjo po ju konvenon për shkak se po vazhdojnë ende të qeverisin, të marrin vendime, po vazhdojnë të bëjnë emërime të larta publike. Në anën tjetër, nga momenti kur të certifikohet rezultati i zgjedhjeve duhet që të fillojë procedura e konstituimit të Kuvendit që duhet të përfundojë edhe me betimin e krejt deputetëve, njëkohësisht edhe me zgjedhjen e strukturave udhëheqëse të Kuvendit që janë nënkryetari, kryetari dhe komplet kryesia. Pas këtij momenti presidentja e ka të drejtën që t’ia japë mandatarin partisë së parë në pushtet, partia e parë në pushtet siç duket nuk e ka momentalisht shumicën parlamentare.
Në rast se dështon partia e pare, atëherë automatikisht mandati i kalon partisë së dytë. Presidentja duhet t’ia japë mandatin partisë së dytë dhe partia e dytë në këtë rast që është PDK-ja mund të krijojë një shumicë parlamentare edhe mund të krijoj qeverinë. Në bazë të numrave që janë momentalisht në Kuvend mendoj që partitë opozitare kanë mundësinë për të krijuar një qeveri, për shkak se numrat e tri partive opozitare, PDK-së, LDK-së dhe AAK-së janë më të mëdha se VV-ja me partneret e saj që janë në koalicion”, ka thënë ai.
