Deputeti i Kuvendit të Kosovës, Mërgim Lushtaku, në seancën e sotme të legjislativit ka kërkuar ndryshimin e ligjit për automjete me qëllim që të hiqet kufizimi i importit prej 10 vitesh, raporton Gazeta Online Veriu.info.
Ai ka kritikuar pushtetin që sipas tij injoroi kërkesat dhe nevojat e qytetarëve.
Lushtaku ka premtuar se me Bedri Hamzën kryeministër ky kufizim do të largohet.
Postimi i plotë i Lushtakut:
Me qëllim që të lejohet importi i veturave më të vjetra se 10 vjet, në Kuvendin e Kosovës kam propozuar ndryshimin e Ligjit për Automjete.
Ashtu siç i harruan premtimet, tash po i injorojnë edhe kërkesat dhe nevojat e drejtpërdrejta të qytetarëve.
Pushteti i Vetëvendosjes, edhe kësaj here, u vendos në anën e kundërt të interesave të qytetarëve.
Unë premtoj që, me Bedri Hamzën kryeministër, ky kufizim do të bie poshtë dhe qytetarët do të kenë të drejtën të importojnë vetura më të vjetra se 10 vjet.
