Deputeti shqiptar në parlamentin zviceran në Kantonin e Bernit, Korab Rashiti e ka këshilluar Konjufcën që të tërhiqet nga Vetëvendosje, transmeton Gazeta Online Veriu.info.
Deputeti ka thënë se dorëheqja e Konjufcës do të ishte një hap i mençur për karrieren e tij politike, sepse sipas tij me qenë afër Albin Kurtit si me qenë afër Enver Hoxhës, ka shkruar ndër të tjera Rashiti.
Postimi i plotë:
Këshilla ime për Glauk Konjufcën –
Glauk, mendohu seriozisht për tërheqjen nga LVV.
Kjo do të ishte një hap i mençur nëse dëshiron ta shpëtosh dhe ta forcosh karrierën tënde politike.
Një vendim i tillë do të të hapte mundësi të reja dhe do të tregonte pavarësinë tënde politike.
Sepse mes meje e teje, me qenë afër Kurtit është si me qenë afër Enver Hoxhës… kujtoje kur papritmas i largonte të gjithë rreth vetes.
Edhe ti, Glauk, je një rrezik për Kurtin, sepse në opinionin publik dukesh më i matur dhe më i balancuar se ai.
Mos e harro këtë.
