Edhe pak orë kanë mbetur deri në seancën e Kuvendit të Kosovës, ku deputetët e sapozgjedhur pritet të votojnë për kandidatin e VV-së për kryeparlamentar.
Në kushtet e deritanishme, kryeparlamentari nga VV mund të zgjedhet vetëm nëse atë e votojnë edhe tre deputetët e NISMA-s, në mesin e të cilëve është edhe Xhevahire Izmaku, dikur deputete e PDK-së.
Në vitin 2016 president i Kosovës ishte zgjedhur Hashim Thaçi, zgjedhjen e të cilit asokohe e kundërshtonte Vetëvendosje. Pesë (5) vite pas këtij momentumi politik, prapaskenat e kësaj seance i kishte përshkruar deputetja e atëhershme e PDK-së, Xhevahire Izmaku, e cila tregonte se si ishte frikësuar se mund të vritej nga Vetëvendosje, raporton VeriuInfo.
Por tash gjërat kanë ndryshuar, dhe ajo nuk ka shprehur ndonjë kundërshtim publik për një koalicion mes VV-së dhe NISMA-s, pjesë e së cilës është.
Se a ka ndryshuar apo është Vetëvendosje ose Xhevahire Izmaku, këtë ua lëmë lexuesve ta konstatojnë.
Postimi i Xhevahire Izmaku në vitin 2021:
Me shkas:
Beteja e 26 shkurtit 2016 për zgjedhjen e presidentit!
Mbrëmjen që votonim për zgjedhjen e presidentit, ishte mbush salla tym dhe kisha frikë që atë natë s’do të dilja gjallë nga salla!
Realisht e fatkeqësisht e pata vërejtë njerin nga deputet opozitar në sallë qe ishte me armë në brez e nje pjese nga ta edhe gjysëm të dehur!
Në murin e jashtëm të kuvendit, kërsitnin shishe molotovi dhe krisma që më ngjasonin në ditët e luftes!
Për cka? Se po zgjidhej president nje njeri që kishte dhënë shumë për këtë vend!
E kisha afër doktorin e nderuar Fadil Beken të cilin e pyeta: A mund të na vrasin Vetvendosje dhe a do të dalim gjallë nga salla?
Sinqerisht kisha frike për jetën time dhe telefonat tonë ishin pa bateria që ta qetsoja vajzën time qe po qante duke na pa live ne tv në ate gjendje!
Votimi zgjaste shume dhe ne ishim pa qanta pa asgje afër për shkak te sigurise! Nuk mbanim asgje me vete vec trupat tane, ne deputetët e pozitës dmth!
Fadili duke pa që kisha aq shume frike më tha: ky muri i kuvendit parasheh që as bombat mos me depertu!
U qetsova sepse deshta me besu që ashtu ishte dhe perfundoi ajo natë!
Pas disa dite Fadili me tregoi qe ate siguri ma kishte dhëne sa per t’më qetsu dhe se as ai se dinte nese kishin me depertu plumbat e opozites brenda në sallë!
Kete rrefim do ta perseris sa here qe dikush do t”ia kujtoje PDK-së si duhet vepru tani ndaj kerkesave te VV-së!
P.s (ate nate pas tensionimit te situates nje pjese e ambasadoreve nuk qendroi ne salle, bile shumica e ambasadoreve te BE-së)!
Faleminderit për vëmendjen juve që patët durimin ta lexoni deri ne fund!
