Deputetja e Lëvizjes Vetëvendosje, Jeta Statovci, ka vizituar Telekomin e Kosovës, ku ka vlerësuar pozitivisht menaxhmentin e ndërmarrjen për transformimin e bërë në 3 vitet e fundit.
Ajo ka treguar se Telekomi nga 17 milionë humbjen në vitin 2020, e ka përmbyllur me 7 milionë fitim vitin 2023, transmeton VeriuInfo.
Postimi:
Ishim në Telekom, ku biseduam për transformimin e jashtëzakonshëm të kësaj ndërmarrjeje. Nga një humbje prej afërsisht 17 milionë euro (2020), Telekomi i Kosovës me përfundim të vitit 2023 operon me një fitim prej mbi 7 milionë euro!
Dikur e dëmtuar thellësisht me kontrata të dëmshme e të kurdisura, shpenzime marramendëse për qira, marketing dhe shpërfillje të procedurave në punësim, tani Telekomi i Kosoves me bordin e menaxhmentin aktual po rikuperohet gradualisht.
Në 2020 ishin mbi 320 pozita të avancuara, pa asnjë procedure, madje në raste kalim nga grada 5 në graden 15, që u rishikuan nga Bordi e Menaxhmenti, duke i kursyer afër 300 mijë euro në muaj për Telekomin.
Qiraja për objektet në Prishtinë te Qafa e nënshkruar e ripërtrirë për 20 vite me miliona euro, dhe objekti në Shesh si qira e paguar avans në miliona euro, tani me 3 pika prezence me qira në Prishinë Telekomi i Kosoves (madje 2 pika në afërsi të ish objekteve që kishte me qira) nuk është vlera sa ishte paguar qira vetem për një objekt.
Ky është një shembull i qartë i përkushtimit dhe punës së palodhur drejt një suksesi të qëndrueshëm!
