Një aksident me fatalitet ka ndodhur sot në rrugën “Agim Ramadani” në Prishtinë, ku një këmbësor është goditur për vdekje nga një veturë.
Këmbësori që mbeti i vdekur si pasojë e aksidentit është Shkumbin Hebibaj, 26 vjeçar, nga fshati Baballoq i Deçanit.
Sipas burimeve tona, i ndjeri kishte ardhur në Prishtinë për të marrë vizën e punës.
Për rastin ka folur edhe Policia, e cila ka konfirmuar se shoferja e veturës është shoqëruar në stacion policor.
“Sot rreth orës 12:40 kemi pranuar informatën se në rrugën “Agim Ramadani” në Prishtinë, ka ndodhur një aksident trafiku me pasoja fatale. Në këtë aksident, kanë qenë të përfshirë një këmbësor dhe një automjet.
Si pasojë e aksidentit, lëndime të rënda trupore ka pësuar këmbësori i cili nuk ka arritë të përballojë plagët dhe i njëjti ka ndërruar jetë.
Vdekjen e tij e ka konstatuar ekipi mjekësor në vendngjarje. Aktualisht policia ka nisë një hetim për zbardhjen e rrethanave që kanë quar deri te ky aksident trafiku, ndërkohë që ngasësja automjetit është shoqëruar në stacion policor”.
