Minatorët në Angola kanë zbuluar një diamant të rrallë rozë të pastër që besohet të jetë më i madhi i gjetur në 300 vjet.
Diamanti 170 karat, i quajtur Trëndafili Lulo, u zbulua në minierën Lulo në verilindjen e Angolës të pasur me diamante.
“Ai është ndër diamantet më të mëdhenj rozë të gjetur ndonjëherë”, tha në një deklaratë Lucapa Diamond Company.
Gjetja “historike” e diamantit të tipit IIa, një nga format më të rralla dhe më të pastra të gurëve natyrorë, u mirëprit nga qeveria e Angolës, e cila është gjithashtu partnere në minierë.
“Ky rekord dhe diamant rozë spektakolar i gjetur në Lulo vazhdon të shfaqë Angolën si një lojtar të rëndësishëm në skenën botërore,” tha ministri i Burimeve Minerale të Angolës, Diamantino Azevedo.
Diamanti do të shitet me tender ndërkombëtar, me gjasë me një çmim verbues.
Megjithëse Trëndafili Lulo do të duhej të pritej dhe të lustrohej për të kuptuar vlerën e tij të vërtetë, në një proces që mund të shohë një gur të humbasë 50 për qind të peshës së tij, diamante të ngjashme rozë janë shitur për çmime rekord.
Ylli rozë 59,6 karatësh u shit në një ankand në Hong Kong në vitin 2017 për 71,2 milionë dollarë amerikanë. Mbetet diamanti më i shtrenjtë i shitur ndonjëherë.
