Ylli i Hollivudit, Leonardo DiCaprio, ka reaguar ndaj vendimit të Qeverisë së Shqipërisë, për të krijuar një park nacional kombëtar në lumin Vjosa, duke thënë se Qeveria e Shqipërisë është një hap më afër për të bërë parkun parë kombëtarë për botën e egër në Evropë.
“Qeveria e Shqipërisë është një hap më afër për të bërë parkun parë kombëtar për botën e egër në Evropë, pasi që së fundmi bashkëpunoi me Petagonia (organizatë për mbrojtje të mjedisit), për të mbrojtur lumin Vjosa – një përpjekje ku u përfshi kampanja #RuajZemrëneKaltërtëEvropës”, ka shkruar DiCaprio në një postim në Instagram, transmeton Klankosova.tv.
“Lumi Vjosa i Shqipërisë është lumi më i madh i botës së egër në Evropë. Lumi dhe rrjedhat e tij shkojnë të lira nga burimi në det , duke krijuar një ekosistem biodivers, që mbulon mbi 300 kilometra. Është shtëpia e 1,100 kafshëve, duke përfshirë 13 specie të kafshëve që janë në rrezik të zhdukjes, si dhe dy specie bimore”, ka shtuar DiCaprio në postimin e tij.
Reagimi i DiCaprios vjen disa javë pasi kryeministri Edi Rama e thumbi aktorin, duke thënë se reagonte për ta goditur qeverinë, që të mos ndërtoheshin hidrocentrale në lumë, por se nuk u bë i gjallë për ta mbështetur Qeverinë, tani që është vendosur që lumi të shndërrohet në park kombëtar.
Në vijim mund të ndiqni pjesën ku Edi Rama flet për Leonardo DiCaprion.
