Drejtori i Përgjithshëm i Policisë së Kosovës, Gazmend Hoxha, gjatë ceremonisë së diplomimit të gjeneratës së 62-të të Policisë, ka reaguar për rastin tragjik në Lipjan, ku një 27-vjeçar, Agon Zejnullahu, dyshohet se vdiq në duart e pesë policëve.
Hoxha theksoi se nuk do të lejojë tejkalime të autorizimeve policore dhe kërkoi hetim të plotë nga IPK, strukturat e brendshme të policisë dhe institucionet tjera.
Ai u bëri thirrje hetuesve që të bashkëpunojnë ngushtë me Inspektoratin për të zbardhur plotësisht rrethanat e ngjarjes.
“Hetuesit tanë janë urdhëruar të bashkëpunojnë ngushtë me IPK për të siguruar një pasqyrë të saktë të këtij rasti fatkeq”, ka shtuar tutje Drejtori i Policisë së Kosovës.
“Do të ndërmarr të gjitha veprimet ligjore bazuar në epilogun dhe rezultatet e një hetimi të plotë” , ka thënë ndër të tjera.
