Ish-missi Drenusha Latifi ka vazhduar diskutime me banorët pasi ish-burri i saj, Atilla Kardesh, la shtëpinë e Big Brother VIP Kosova 3.
Drenusha u shpreh se për hatër të fëmijëve që kanë bashkë në rast se Atilla do t’i kërkonte falje do të tërheqte rastin e raportuar në Suedi.
“Shumë më e lumtur kisha me qenë dhe isha çu e kisha përqafu sikur të thoshte ditën e parë se kërkon falje për gjithçka që ka ndodhë në jetën tonë. Por, publikisht po them nëse ai njeri reflekton dhe kërkon falje si duhet dhe ulet për fëmijë e bënë një bashkëpunim si duhet për të dy fëmijët unë e tërheq rastin e paraqitur në Suedi dhe s’merrem më me atë rast”, u shpreh Drenusha.
