Banorët e Karlskronas në Suedi raportuan praninë e dronëve të paidentifikuar që fluturonin pranë bazës kryesore detare të vendit, një pikë strategjike në Detin Baltik.
Forcat e sigurisë u mobilizuan dhe tentuan të neutralizonin pajisjet ajrore, por ato u larguan para se të kapeshin ose identifikoheshin.
Ky incident ka ngritur shqetësime serioze mbi sigurinë kombëtare, pasi nuk përjashtohet mundësia që fluturimet të jenë pjesë e një misioni spiunazhi ose testimi të mbrojtjes ajrore. Autoritetet suedeze kanë nisur hetime për të përcaktuar origjinën dhe qëllimin e dronëve, ndërsa paralajmërojnë masa shtesë për forcimin e mbrojtjes në rajon, raportojnë mediat suedeze.
Në një kohë kur aktiviteti i dronëve pranë objekteve ushtarake në Evropë po rritet, siguria dhe kontrolli i hapësirës ajrore mbeten prioritet kryesor.
