Analisti i njohur, Sadri Ramabaja, ka hedhur akuza ndaj deputetes boshnjake, Duda Balje, për implikimin e saj me Listën Serbe.
Gjatë debatit të mbrëmshëm në programin “Debat Plus”, ai tha se Balje është takuar me kryeterroristin, Milan Radojçiq.
“Unë kam pasur informacion se ajo është takuar me Radojçiqin më 28 shkurt, ose ka pasur një telefonatë,” tha Ramabaja, duke shtuar se nuk është i sigurt nëse bëhet fjalë për takim fizik apo për komunikim telefonik.
Pas këtyre deklaratave, deputetja boshnjake, Duda Balje, ka paralajmëruar padi ndaj analistit Ramabaja. Në një intervistë për “Indeksonline”, ajo dha detaje shtesë rreth këtij rasti.
