Deputeti nga Lëvizja Vetvendosje, Enver Dugolli, ka komentuar kërkesat që presidenti serb, Aleksandar Vuçiq i ka paraqitur dje në një konferencë për media ndaj Kosovës.
Dugolli në një prononcim për GazetaBlic, thotë se pasi Vuçiqi dështoi në realizimin e planit për aneksimin e një pjese të territorit të Kosovës, po dëshiron që ta rikthej Kosovën ashtu siç ishte para 4 vitesh kur dominonte plotësisht kontrolli i Serbisë përmes bandave të Radojqiqit.
Tutje, thotë se nuk do të ketë rikthim të situatës se çfarë e dëshiron Serbia, ku thekson se paligjshmërinë, krimin dhe kontrabandën nuk do ta lejojmë asnjëherë që të rikthehet në asnjë pjesë të territorit ashtu siç ka mbretëruar për më shumë se 20 vite.
“Vuciqi, pasi dështoj në realizimin e planit për aneksimin e një pjese të territorit të Republikës së Kosovës po dëshiron ta rikthen Kosovën në gjendjen e para 4 vitesh kur dominonte plotësisht kontrolli i Serbisë përmes bandave të Radoiqiqit mirëpo një gjë e tillë është plotësisht e pamundur. Nuk do ketë rikthim të situatës çfarë e dëshiron Serbia. Do ketë angazhim maksimal që situata te avancojë me rend dhe ligj për të gjithë. Paligjshmërinë, krimin dhe kontrabandën nuk do ta lejojmë asnjëherë të rikthehet në asnjë pjesë të territorit siç ka mbretruar për më shumë se 20 vite në atë pjesë të Republikës sonë”, përfundoi Dugolli për GazetaBlic.
