Janë prekur në Holandë 12 persona nga hepatiti A pasi virusi ra në kontakt me boronica. Sipas portalit holandez Nu.nl , kjo mund të ketë ndodhur për shkak se mbledhësi i boronicës nuk ka larë duart pas përdorimit të tualetit.
Boronicat e kontaminuara shiteshin të ngrira në supermarketet Albert Heijn, të paketuara në thasë prej një kilogrami, shkruajnë mediat holandeze.
Boronicat mbërritën nga Polonia dhe data e skadencës në pako ishte 14 prill 2026. Eelko Franz, një përfaqësues i Institutit Kombëtar Holandez për Shëndetin Publik dhe Mjedisin, tha se qindra njerëz mund të infektohen tani, ndërsa zinxhiri i shitjes me pakicë u bëri thirrje klientëve që t’i kthejnë boronicat në dyqan.
