Komuna e Prishtinës që udhëheqet nga Përparim Rama në muajin kishte shpallur tender me titull “Pikat ushqyese për qentë endacak (furnizimi dhe shpërndarja e ushqimit) dhe QTE” me vlerë të parashikuar prej 150 mijë euro, raporton Veriu.info.
Me rastin e shaplljes së tenderit ishte specifikuar se kompania e kontraktuar duhet të bëjë furnizimin, transportin dhe shpërndarjen e ushqimit për 24 pikë ushqyese për qentë dhe furnizimin e transportin e ushqimit për Strehimoren për qentë endacak.
Pas shumë zvarritjeve procedurale, më 4 korrik 2024 Zyra e Prokurimit e Komunës së Prishtinës ka shpallur si fitues të tenderit kompaninë “Al Tec” Sh.P.K., e cila kishte ofertuar me çmimin prej 126 mijë euro.
Zyra e Prokurimit të Komunës së Prishtinës ka eliminuar ofertuesin më të lirë të tenderit, operatorin ekonomik “Via Egnatia Sh.P.K.” me arsyetimin se nuk ka ofruar dëshmi për ofertën e saj tej te soecifikimet e ushqimit dhe vlerat ushqyese.
Kush është fituesi “Al Tec” Sh.P.K.?
E themeluar në vitin 2017 në Lipjan, “Al Tec” është kompani në pronësi të aksionarëve Behar Tolaj, Xhevdet Duka, Anila Duka, Bestar Zenelaj dhe Halim Zenelaj.
Kjo kompani që ka fituar tenderin për furnizim me ushqim të pikave ushqyese të qenëve në Prishtinë dhe të Strehimores për qentë endacak, aktivitet primar në ARBK e ka Aktivitetetin e inxhinierisë dhe këshillimit teknik, përderisa si aktivitet sekondar ka Punimet hidraulike, instalimet e ngrohjes dhe kondicionimit të ajrit.
Ndërsa tek aktivitet tjera biznesore renditen me radhë:
- Instalime të tjera ndërtimore,
- Punime suvatimi,
- Lyerja dhe vendosja e xhamave, etj.
Duke e ditur se problem i qenëve encadak është jashtëzakonisht i madh në Kosovë, ku shumë qytetarë vazhdimisht sulmohen nga ta, është e çuditshme se si komuna e udhëhequr nga kryetari Përparim Rama ka shpallur fitues një kompani me veprimtari inxhinierike, hidraulike e ndërtimore për t’u kujdesur për ushqimin e qenëve./Veriu.info
