Vrasja e policit Muhamet Lika ka tronditur sonte qytetin e Kaçanikut, ngjarje kjo e ndodhur rreth orës 23:00.
Policia e Kosovës bën të ditur se kanë pranuar një informacion që është një person është plagosur dhe gjendet në gjendje të rëndë në hyrje të ndërtesës së tij, raporton Veriu.info.
“Më 01.04.2025, rreth orës 23:00, kemi pranuar një informacion se një person është plagosur dhe gjendet në gjendje të rëndë në hyrje të ndërtesës së tij, në rrugën “Idriz Seferi” në Kaçanik. Viktima është një pjesëtar i Policisë së Kosovës.
Në vendngjarje, përveç njësive policore, ka dalë edhe ekipi i emergjencës së Kaçanikut, të cilët e kanë transportuar në Qendrën e Mjekësisë në Kaçanik. Si pasojë e plagëve të marra pjesëtari i Policisë ka ndërruar jetë, kjo është konstatuar nga mjekët në këtë qendër.
Për të gjitha veprimet policore është njoftuar prokurori i shtetit dhe IPK. Hetuesit dhe krimteknikët rajonal kanë dalë në vendin e ngjarjes për të kryer ekzaminimet e nevojshme. Nuk dihen akoma shkaqet se si ka ardhur deri te kje ngjarje. Per informacione tjera do të njoftoheni me kohë”, thuhet në deklaratën e policisë.
