Dy ditë para fillimit të Kupës së Botës, Katari i kërkoi FIFA-s që të mos lejojë shitjen e pijeve alkoolike pranë stadiumeve ku zhvillohen ndeshjet e Kupës së Botës, ndërsa shitjet brenda ambienteve tashmë janë të ndaluara.
Sipas lajmeve të publikuara nga gazeta britanike The Times dhe ajo amerikane New York Times, kërkesa ka ardhur nga familja mbretërore e Katarit dhe mund të krijojë një problem financiar për FIFA-n, pasi një nga sponsorët kryesorë të garës është marka e birrës Budweiser, e cila tashmë duhej të modifikohej mënyra se si reklamon markën në vend, përcjell GazetaBlic Sport.
Udhëzuesi zyrtar i mbështetësve tashmë paralajmëron ndalimin e shitjes së pijeve alkoolike në tribuna, por Katari kërkon që kjo të zgjërohet edhe më shumë.
