Një person është plagosur me armë zjarri sot në Vushtrri, raporton Gazeta Online Veriu.info.
Personi i plagosur është dërguar në spital, kurse i dyshuari është arrestuar.
Rastin e ka konfirmuar për Veriu.info zëdhënësi i Policisë, Avni Zahiti.
“Rreth orës 14:22, në Vushtrri, është raportuar për një person të lënduar nga arma e zjarrit. Nga hetimet e para është bërë e ditur se nga arma e zjarrit i lënduar kishte mbetur viktima m/k/sh/, i cili është dërguar për tretman mjekësor.
Lidhur me rastin është identifikuar dhe arrestuar personi i dyshuar i cili dyshohet se ka plagosur viktimën, nga i njëjti është konfiskuar arma që dyshohet se është përdorur në rast.” – tha Zahiti për Veriu.info.
