Në fshatin Novosellë të Pejës në shkollën e mesme të ultë “Lidhja e Pejës”, një arsimtar dyshohet se e ka ngacmuar seksualisht një nxënëse të klasës së shtatë.
Rastin e ka konfirmuar zëdhënësi i policisë për rajonin e Pejës Fadil Gashi.
Gashi tha se rasti është në fazën fillestare të hetimit dhe për shkak të ndjeshmërisë nuk mund të jepet asnjë informacion tjetër lidhur me rastin.
Drejtori i kësaj shkolle Naim Hysaj, i tha Klanit përmes telefonit se rasti është denoncuar në polici nga prindërit e vajzës dhe se organet e rendit kishin qenë në shkollë.
Edhe drejtori i Arsimit në Pejë Islam Gega, i tha Klanit përmes telefonit se është njoftuar për rastin, por se nuk mund të deklarohet më shumë për shkak të hetimeve.
