Vetëm një ditë pasi grafite me thirrje për dorëheqjen dhe dorëzimin e kryeministrit në detyrë, Albin Kurti, u panë në pjesë të ndryshme të Prishtinës, mesazhe të ngjashme janë shfaqur edhe në qytetin e Pejës.
Në disa lagje të këtij qyteti, muret janë mbuluar me shkrimin: “Albin dorëzohu në prokurori” një mesazh i drejtpërdrejtë që duket se vjen si reagim ndaj ngërçit të vazhdueshëm politik në vend, disa muaj pas mbajtjes së zgjedhjeve, ndërkohë që institucionet ende nuk janë formuar, raporton Indeksonline, transmeton Klankosova.tv.
Nuk dihet kush qëndron prapa këtyre grafiteve, por ato po përhapen me shpejtësi dhe po tërheqin vëmendjen e qytetarëve.
