Viti 2024 ishte viti më i suksesshëm në karrierën e Edon Zhegrovës.
Sidomos në gjashtë mujorin e dytë, Zhegrova shpërtheu, duke qenë lojtari kryesor i Lillet dhe i kombëtares së Kosovës.
Ylli kosovar ka qenë një rrezik konstant për portën kundërshtare, në çdo ndeshje që ka luajtur, derisa ka mbizotëruar edhe në aspektin e driblimeve.
Këto suksese natyrisht që nuk kanë kaluar pa u shpërblyer, me Zhegrovën që e fitoi çmimin “Fadil Vokrri” i dhuruar nga FFK-ja.
Por, jo vetëm kjo. Lojtari dardan tashmë është nominuar edhe për “Team Of The Year” që përzgjidhet nga videoloja “EA Sports FC”.
Së bashku me Zhegrovën, i nominuar është edhe bashkëlojtari i tij, Jonathan David, njofton Lille në rrjetin social “Facebook”.
