12 punëtorë të ndërmarrjes “Trepça” janë larguar përkohësisht nga puna me vendim të kryeshefit të këtij institucioni pasi ndaj tyre është ngritur aktakuzë.
Gazeta Online Veriu.info mëson nga burimet e saj se aktakuza ndaj 12 punëtorëve të “Trepçës” është ngritur për sulmin fizik që kishte ndodhur ndaj ish kryeshefit të kësaj ndërmarrjeje Enis Abdurrahmani.
Ky rast kishte ndodhur në vitin 2021, ku ishte sulmuar ish kryeshefi Abdurrahmani dhe një zyrtar tjetër nga një grup personash që kishin hyrë në ambientet e ndërmarrjes.
“Trepça” përmes një njoftimi ka dhënë edhe inicialet e punëtorëve të larguar nga puna.
