Ligji i Pagave në Republikën e Kosovës në vazhdimësi ka qenë problematik duke nxitur pakënaqësi të kategorive të ndryshme në sektorin publik, raporton Gazeta Online Veriu.info.
Pas publikimit të vendimit për vlerën e koeficientit këto pakënaqësi janë rritur akoma më shumë.
Mospajtime me Ligjin e Pagave ka edhe Oda e Fizioterapeutëve të Kosovës të cilët kanë dorëzuar kërkesë në zyrën e avokatit të popullit, që ky i fundit të inicojë procedurën e vlerësimit të kushtetutshnërisë së këtij ligji pranë institucionit më të lartë ligjor në vendin tonë, Gjykatën Kushtetuese.
Veriu.info ka siguruar në mënyrë ekskluzive dokumentin ku shihet kërkesa e OFK në adresë të Avokatit të Popullit.
Në dokument renditen shumë arsye për mospërputhshmërinë kushtetuese të ligjit.
OFK konsideron se ky ligj shkel parimet bazë të të drejtave të njeriut dhe barazinë para ligjit.
Po ashtu në arsyetimin e kërkesës thuhet se ligji është diskriminues ndaj fizioterapeutëve në raport me nëpunësit e tjerë shëndetësor.
Më poshtë ua sjellim dokumentin e plotë:
