Dy persona kanë mbetur të plagosur me armë zjarri dje në fshatin Maxhunaj të Vushtrrisë.
Një person është arrestuar nën dyshimin se me armë zjarri ka plagosur dy persona tjerë.
Gazeta Online Veriu.info mësoi se ky konflikt ka ndodhur mes punëtorëve të mobilerisë “Binni” në Maxhunaj të Vushtrrisë.
Kjo ngjarje e rëndë ka ndodhur brenda punëtorisë së këtij biznesi.
Sipas burimeve të gazetës, dorasi pas një konflikti fillestar, ka shkuar në shtëpi dhe ka marrë armën.
Kur është kthyer në punëtori, ka shti me armë në drejtim të dy kolegëve të tij.
Gazeta Online Veriu.info mëson se dy personat e plagosur janë: Arben Islami i moshës 29 vjeçare nga Bukoshi i Vushtrrisë, dhe Enver Osmani i moshës 35 vjeçare nga Vushtrria.
Kurse i arrestuari është Sami Zeqa nga Akrashtica e Vushtrrisë.
Njëri nga të plagosurit është në gjendje të rëndë, mëson Veriu.info nga burimet e saj.
Në cilësi të provave materiale janë sekuestruar dy gëzhoja ndërsa nga i dyshuari është sekuestruar një armë e llojit pistoletë.
Me vendim të prokurorit, të dyshuarit S .Z., 42 vjeçar, shtetas i Republikës së Kosovës i është caktuar masa e ndalimit policor.
