Më 2 mars Skender Bajrami – pronar i Auto Sallon “Alberti” ishte arrestuar në kuadër të aksionit ndaj disa biznesmenëve nën dyshimin për fajde, detyrim e shmangie nga tatimi. Mirëpo, sot Gjykata Themelore e Ferizajt nuk e ka aprovuar kërkesën e Prokurisë Themelore të Ferizajt për caktimin e masës së paraburgimit ndaj këtij biznesmeni multimilioner, duke e lënë të lirë të njëjtin.
Pra, nga 15 persona të arrestuar për fajde, detyrim e shmangie nga tatimi, 14 të arrestuarve iu është caktuar masa e paraburgimit, përderisa vetëm Skender Bajrami ka arritur të lirohet. Gazeta online Veriu.info ka arritur të siguroj Aktvendimin e Gjykatës Themelore të Ferizajt të marr sot, ku thuhet se për te pandehurin Skender Bajrami refuzohet kërkesa e Prokurorisë Themelore të Ferizajt.
Mirëpo, Gjykata ka vendosur një masë më të leht ndaj Skender Bajrami, duke i ndaluar për t’iu afruar vendimit apo personit të caktuar në kohëzgjatje prej një muaji, thuhet në aktvendimin e siguruar ekskluzivisht nga Veriu.info.
Në pjesën e fundit të aktvendimit bëhet e ditur se për të pandehurin Skender Bajrami seanca dëgjimore është mbajtur dje në ambientet e QKUK-së në Prishtinë, gjegjësisht në Klinikën e Kardiologjisë , pasi që i njëjti gjatë intervistimit nga ana e hetuesve kishte probleme shëndetësore dhe më pas ishte shtrirë në këtë klinikë, ku sipas rekomandimeve të mjekut (kardiologut) ishte hospitalizuar aty.
Bëhet e ditur se në seancën dëgjimore të mbajtur në QKUK, prokurori i Shtetit, Rasim Maloku kishte mbetur në tërësi pranë kërkesës me shkrim për caktimin e masës së paraburgimit sa i përket rrezikut për të ndikuar në dëshimtarë e të dëmtuar dhe rrezikut për përsëritjen e veprave penale.
Mirëpo, në aktvendim shihet se ligjërisht për t’i ndihmuar Skender Bajramit të lirohet nga arresti, faktor vendimtar ishte tërheqja e prokurorit Rasim Maloku nga pika për “rrezikun e ikjes” së tij. Pra, prokurorit Rasim Maloku në seancën dëgjimore të mbajtur në QKUK, kishte deklaruar se nuk ekziston rreziku i ikjes së këtij të pandehuri (shih dokumentin).
Pas këtij deklarimi të prokurorit, gjyqtari i procedurës paraprake kishte ardhur në përfundim se për Skender Bajramin nuk është e domosdoshme masa e caktimit të paraburgimit, por vetëm caktimi i masës së ndalimit për t’iu afruar vendit apo personit të caktuar, duke konsideruar se kjo masë është e mjaftueshme për të arritur qëllimin ligjor.
Më tej thuhet se janë plotësuar kushtet ligjore për caktimin e masës së ndalimit për t’iu afruar vendit apo personit të caktuar, pasi që me gjetjen në liri i njëjti mund të ndikoj në të dëmtuarit, dëshmitarët, të pandehurit e tjerë dhe në bashkëkryerësit e veprave penale, pasi që Skender Bajrami dyshohet se ka kryer 3 vepra penale të fajdes dhe veprën penale të shmangies tatimore.
Në aktvendimin e siguruar nga Veriu.info, thuhet se Skender Bajrami gjatë kësaj periudhe nuk guxon të i afrohet personave të dëmtuar Xhavit Shala, Samir Bajrami, Salih Sinani, si dhe të bashkëakuzuarve në distancë prej 50 metra.
Ndryshe, Skender Bajrami është aksionar me 10% (17 milionë euro) në Qendrën Tregtare “Prishtina Mall”, e cila pritet të hapet më 09.03.2023.
Përveç Skender Bajramit që është liruar, Gjykata Themelore në Ferizaj e ka aprovuar kërkesën për caktimin e masës së paraburgimit ndaj 14 të dyshuarve të tjerë: Egzon Salihut, Besnik Salihut, Fadil Salihut, Ardi Saraqit, Shefik Rexhepit, Lindrit Haradinajt, Ramiz Ademit, Mujë Ademit,Kadri Gërbeshit, Ajvaz Muzaqit, Bashkim Osmanit, Bahri Abazit, Nexhmi Abazit dhe Shukri Haxhiut.
Më poshtë gjeni artikujt e tjerë për arrestimin e Skender Bajramit:
“Era shtet”! Lirohet Skender Bajrami – pronar i A.S. “Alberti”, i arrestuar për fajde
Veliu: Çuditërisht lajmi për arrestimin e pronarit të “Albertit” u “zhduk” nga mediet
