Objekti i Postës së Kosovës në Zveçan mbrëmë pas mesnate është sulmuar me granata dore.
Në foto e bëra nga gazetari i Veriu.info, shihen zyret e Postës së Kosovës të dëmtuara rëndë.
Brenda objektit shihen edhe gurë, ku siç mëson Veriu.info të njëjtin janë përdorur për të thyer xhamat që më pas u hodhen dy granata dorës, ku njëra nuk ka shpërthyer.
Zëvendësdrejtori i Policisë së Kosovës për rajonin e Mitrovicës së Veriut, Veton Elshani, në një prononcim për Veriu.info ka thënë se njëra prej dy granatave të hedhur nuk ka shpërthyer.
“Një granatë dore ka shpërthyer brenda objektit të Postës së Kosovës në Zveçan, ndërsa një e kemi shpërthyer ne në mënyrë të kontrolluar. Dyshohet se ato janë hedh nga jashtë objektit. Nuk ka lëndime, por vetëm dëme materiale. Policia po punon në ndriçim të rastit”, ka deklaruar Elshani për Veriu.info.
