Presidenti i Turqisë, Rexhep Erdogan, tha të mërkurën se vendi i tij nuk do ta lejojë ndarjen e Sirisë ose dëmtimin e integritet territorial të saj, nëse dështon diplomacia për zbatimin e një marrëveshjeje integrimi mes Qeverisë së Sirisë dhe Forcave Demokratike Siriane (SDF), të cilat udhëhiqen nga kurdët.
“Ne i kemi angazhuar të gjitha kanalet e diplomacisë edhe për ta ruajtur integritetin territorial të Sirisë, edhe për ta parandaluar formimin e një strukture terroriste matanë kufijve tanë” – tha presidenti turk, raporton agjencia e lajmeve “Reuters”.
“Ne vazhdojmë që t’i përdorim këto kanale me durim, sinqeritet dhe logjikë” – shtoi ai në një organizim me rastin e rihapjes së punimeve të Kuvendit të Turqisë.
“Nëse nismat diplomatike lihen pa përgjigje, politika dhe pozicioni i Turqisë janë të qarta. Turqia nuk do të lejojë që në Siri të ndodhë një deja ju” – tha më tej turku Erdogan.
Turqia e konsideron SDF-në organizatë terroriste dhe ka paralajmëruar për veprime ushtarake, nëse ky grup nuk integrohet në aparatin shtetëror të Sirisë sipas marrëveshjes me Damaskun.
Javën e kaluar, presidenti i përkohshëm sirian, Ahmed al-Sharaa, udhëtoi për në Nju-Jork të Shteteve të Bashkuara, ku mbajti fjalim në Asamblenë e Përgjithshme të OKB-së.
Ky ishte fjalimi i parë i një presidenti sirian në organin e rëndësishëm ndërkombëtar qe gati gjashtë dekada.
