(Lajm i edituar) Një lëndim me thikë dyshohet se ka ndodhur sot në qendër të Mitrovicës, ku nga raportimet e para thuhet se rasti ndodhi në rrugën “Evlia Qelebia”.
Burime të Veriu.info bëjnë të ditur se personi i lenduar nga goditja me thikë është Shkelqim Salihu, përderisa i dyshuar për këtë rast është Erkan Tullumqe.
Konflikti i sotëm mes dy palëve daton vite më parë, pasi që Shkelqim Salihu ishte përfshirje në një gjuajtje me armë, që dyshohet se në të ishte i përfshirë edhe Erkan Tullumqe.
Më pas Shkelqim Salihu (I plagosuri i sotëm) ishte arrestuar nga policia në fund të vitit 2022, pas disa kohësh në arrati, dhe ishte dërguar në vuajtje të dënimit prej 1 vit e gjashtë muaj burgim.
Vetëm pak javë pasi që ka kryer dënimin me burgim për gjuajtje me armë, që sipas burimeve të Veriu.info, dyshohet se ishte bërë në drejtim të shtëpisë së Erkan Tullumqe, sot janë konfliktuar prapë që të dytë mes vete.
Si pasojë e konfliktit të sotëm i lenduar ka mbetur Shkelqim Salihu, përderisa për këtë vepër në arrati gjendet i dyshuari Erkan Tullumqe.
Ndryshe, Erkan Tullumqe, ka një të kaluar kriminale, pasi që në vitin 2012 ai dyshohej se për mbjellje, kultivim dhe përgatitje për shitje të substancave narkotike të llojit marihuanë, ku pas mbjelljes së tyre dhe kultivimit, për çka kishte pasur një proces gjyqësor. (https://betimiperdrejtesi.com/edhe-pas-tre-vjetesh-deshton-gjykimi-ndaj-nente-te-akuzuarve-per-tri-vepra-penale/)
