Mësimdhënësja në komunën e Skenderajt, Arbnora Fejza, ka thënë se ky udhëzim administrativ për bartjen e shamisë duhet që patjetër të ndryshohet sepse me të po shkelet vetë ligji.
Në emisionin Info Magazine në Klan Kosova, ajo ka theksuar se Kushtetuta e Kosovës e lejon bartjen e mbulesës.
“Çështja e shamisë së fundmi është bërë një debat shumë i madh tek ne. Ky udhëzim administrativ për bartjen e shamisë duhet të ndryshohet patjetër sepse me të po shkelet vetë ligji. Kushtetuta e lejon mbulesën”.
“Meqenëse bartja e shamisë vendoset në një moshë e të caktuar madhore, secili person është i vetëdijshëm për veprimet që merr. Mbulesa bëhet me një përgatitje paraprake”.
“Unë për vete kur kam marrë vendim qe ta bart mbulesën kam qenë gazetare në moshën e re, pastaj kam përgatitur veten, kam lexuar e hulumtuar dhe kam ardhur deri tek mbulesa”.
“Mbulesa është obligim kur vajza hyn në moshën e pubertetit. Për fëmijët e moshave të vogla unë nuk e shoh të arsyeshme bartjen e shamisë”.
