Kryetari i komunës së Vushtrrisë, njëherësh kandidat i PDK-së për kryetar të kësaj komune edhe për një mandati, Ferit Idrizi, në debatin e sotëm në RTV 21 për zgjedhjet lokale ka numëruar projektet kryesore që ka realizuar në mandatin e parë.
Idrizi ka folur ndër të tjera për projektet e realizuara në arsim duke thënë se gjetën buxhet prej 140 mijë euro për bursa dhe trajnime profesionale, kurse ai gjatë mandatit të tij ndau afër 700 mijë euro.
“Te arsimi për bursa të studentëve dhe për trajnime profesionale të ndryshme nga 140 mijë euro sa kemi gjet buxhetin, ne kemi arrit ta rrisim në afër 700 mijë euro vetëm për aftësime profesionale dhe bursa për studentët brenda dhe jashtë vendit.” – ka thënë Idrizi.
Ai ka thënë se projektet e tij në mbështetje të arsimit do të vazhdojnë edhe gjatë mandatit të dytë.
