Fatmir Limaj i NISMA-s e ka shumë të vështirë për të siguruar edhe një tjetër ulëse në Kuvend me partinë e tij.
Xhevahire Izmaku, Arbëreshë Krasniqi e Fatmir Limaj priten të jenë përfaqësuesit e vetëm të simpatizantëve të NISMA-s në Kuvend.
Gara mes Vesel Krasniqit e Lahir Brahimajt duket se vetëm se ka përfunduar kur pa numëruar ka mbetur vetëm edhe një vendvotim.
Lahi Brahimaj i AAK-së ka arritur të sigurojë 12.046 vota, rreth 1 mijë vota më shumë se Vesel Krasniqi i NISMA-s, i cili ka marrë 11.035 vota.
Brahimaj dhe Krasniqi po luftojnë për vendin e shtatë brenda listës, pasi vendi i tetë do t’i përkas kandidates së Nismës, Xhevahire Izmaku.
Koalicioni AAK-Nisma-Konservatorët-Intelektualët-Ideal, numëron 7 për qind të votave të subjekteve politike në zgjedhjet e 9 shkurtit. Bazuar në këtë numër, koalicioni pritet të ketë tetë deputetë në legjislaturën e ardhshme.
Me rezultatet momentale të kandidatëve për deputetë, AAK-ja pritet t’i ketë pesë deputetë, ndërsa Nisma Socialdemokrate tre deputetë.
Shpresa e vetme për Limajn e Krasniqi pritet të jenë votat me kusht dhe ato të diasporës, numrimi i të cilave do të fillojë javën e ardhshme.
