Presidentja e Vjosa Osmani ende nuk e ka nënshkruar Ligjin për Buxhetin e Kosovës, duke shkaktuar pasiguri institucionale dhe ekonomike në vend. Udhëheqësi i OJQ-së AVONET, Kenan Gashi, ka ngritur shqetësimin për pasojat që po sjell kjo vonesë.
Sipas Gashit, Kosova po kalon një periudhë me sfida të shumta politike dhe tensione të brendshme, ndërsa përplasjet mes pozitës dhe opozitës e kanë vështirësuar miratimin e buxhetit në Kuvend. Megjithëse dokumenti financiar është votuar me vështirësi, ai ende nuk ka hyrë në fuqi për shkak të mungesës së dekretimit nga ana e Presidentes.
“Cila është pengesa apo arsyeja e mosnënshkrimit? A kemi të bëjmë me çështje procedurale, dilema kushtetuese apo kalkulime politike?”, ka pyetur Gashi, duke theksuar se çdo ditë vonesë prodhon pasoja konkrete për funksionimin e shtetit.
Sipas tij, organizatat buxhetore, si në nivel lokal ashtu edhe në atë qendror, po përballen me mungesë fondesh për mbulimin e obligimeve financiare, pagesat ndaj operatorëve ekonomikë dhe inicimin e procedurave të reja të prokurimit publik.
Ai paralajmëron se situata aktuale po ndikon drejtpërdrejt në vonesën e projekteve kapitale, pezullimin ose shtyrjen e investimeve publike si dhe vështirësi në ofrimin e shërbimeve për qytetarët.
“Në mungesë të një buxheti funksional, institucionet po detyrohen të operojnë me kufizime financiare, duke vështirësuar planifikimin afatmesëm dhe zbatimin e politikave zhvillimore”.
Gashi thekson se buxheti nuk është thjesht një dokument financiar, por themeli i funksionimit të shtetit dhe instrument kyç për stabilitet institucional dhe zhvillim ekonomik e social. Ai bën thirrje për tejkalimin e ngërçeve politike dhe përmbushjen e obligimeve kushtetuese, në mënyrë që të shmangen dëmet e mëtejshme dhe të rikthehet normaliteti në funksionimin e institucioneve të Republikës së Kosovës.
Gjithashtu, Gashi paralajmëron se kjo situatë po ndikon drejtpërdrejt në vonesën e projekteve kapitale, shtyrjen e investimeve publike dhe vështirësitë në ofrimin e shërbimeve për qytetarët.
“Pa një buxhet funksional, institucionet operojnë me kufizime financiare, gjë që vështirëson planifikimin afatmesëm dhe zbatimin e politikave zhvillimore,” ka shtuar ai.
